Қазақстан Республикасының Кітап ісінің ақпараттық жүйесі

Жас және бастаушы авторлар жұмысы

Білесің бе?

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Білесің бе өмірдің қиындығын?
Сыйын бүгін, Аллаға сыйын күнім!
Мейірімді ол-сұрасаң кешіреді,
Көп болса да, күналар жиынтығын.

Күмән, күдік- сеніммен таласа ма?
Жаман ойлар жақсыға жараса ма?
Жауыздықтың жан досы серігі боп,
Түкпіріне жүректің жара салма!

Не болса, о болсын- мұңайма,
Ең бастысы сене біл- Құдайға.
Көтере алған соң береді,
Әйтпесе тектен-тек сынайма!

Көргенде өмірдің күресін,
Өзінді жақсырақ білесің.
Жасыған, жылаған шақтарды,
Еске алып бір күні күлерсің.

Анашыма

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Анашыма

Менің анам ақ-көңіл алтын адам,
Қолда болса ешкімнен тартынбаған.
Қашан көрсем ақылын айтып жүрер,
Бір мінезін көрмеппін жалпы жаман.

Уайымдайсың мен жайлы білемін ғой,
Кір келтірмей атыңа жүремін ғой.
Маңдайыма шаң тимей жүргендігі,
Таңдайдағы тәп-тәтті тілегің ғой.

Күйбең тірлік болсада қаншама мың,
Мен анамның көрмеппін шаршағаның.
Ауылға қайтып кеткім кеп тұрады,
Анам бар ғой алдымнан қарсы алатын.

Сені көрсем еркелеп саламын ән,
Бар мейірім табылар жанарыңнан.
Бәрін тастап, кетіп қап сүйсембекен,
Жұмақтың кілті тұрған табаныңнан.

Нағыз ақын

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Нағыз ақын

Бір-бірінен асырып жыр жазатын,
Таланттылар қазақта болсада мың.
Халық бірақ бәрінен биік қояр,
Таулардан жаратылған-Мұзбалағын.

Мұқаң өлең,
Мұқаң жыр,
Мұқаң дастан.
Қара өлеңге болыпты құмар жастан.
Өміршең өлеңімен өмір сүріп,
Қалам ұшы кетті ғой мұқалмастан.

Өр рухты, лаулайтын намыс неткен,
Сол үшінде жалғыз ол, жалғыз кеткен.
Өлеңдері оқылса селт етемін,
Мұқағали келердей таныс леппен.

Өмірін өтсе дағы күресінде,
Қала білдің халықтың шын есінде.
Туады нағыз ақын деп едің ғой,
Нағыз ақын тек сенсің білесің бе?

Тағдыр

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Тағдыр

Мына тағдыр аямас ешкімді де,
Қарамайды ақшаңа, кескініңе.
Өмірге өкпе артып жүре бермей,
Бақытынды бағала бес күніңде!

Қарсы тұршы тағдырдың жарлығына,
Өкпе, реніш, сәтсіздік барлығына.
Көңілсіздің тамшысын тигізбесең,
Бақытсыздың сынбайсың жаңбырына.

Қол қусырып жоғынды сұрай берсең,
Дым шықпайды шарасыз жылай берсең.
"Мен жетемін" деп бірақ айта көрме,
Тұрмай жатып шалынып құлай берсең.

Сені жығып тастауға уақыт құмар,
Көне берсен барыңды алып тынар.
Артта қалған кезеңге қолды сермеп,
Алға қарай жүреді бақыттылар!

Күз + сезім

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Күз + сезім
Сол ағаштар, сол дала өзгермеді,
Қай құдірет тап қылды сізге мені?
Суық күнде жүрекке жылу беріп,
Өзіңізбен махаббат күзде келді.

Сынақ көп қой сынбадық берілмедік,
Сізбен өмір кетеді жеңілденіп.
Жапырақтар сарғайып бара жатыр,
Дәл менің сағынышым секілденіп.

Тыныштықсыз жаңбырда жауа беред(і),
Сірә оған шынымен дауа керек.
Қайта-қайта соғатын самал желдей,
Көңілім өзіңізге ауа беред(і).

Жан емеспін әркімге сырым ашық,
Мына жүрек болмаған бұрын ғашық.
Күннен күнге күн көзін аямастан,
Екеумізге тұрсыншы нұрын шашып.

Өшпес рух

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Өшпес рух

Жақпен тұяқ әрқашан жаңылмайма.
Жаман ойлар санаңнан арылмай ма?
Белдеспестен бақыттан бас тартасын,
Жігер қайда, жүректе жалын қайда?

Шыныменде іште бар сайтан деген,
Бітпес уайым жүрекке қайдан келген?
Тірі адам тіршілікте тартысады,
Өмір өзі осындай майдан екен.

Шын қаласаң бақыт алдан шыға келед(і)
Әлсіздердің ауруы сынатын тек.
Өз қамынды жемесең өзге қайтсін,
Бұға берсең шетінен сұға беред(і).

Өшпес рух болса ешкім жықпас еді,
Жеңіліс пен жеңіс ол ұқсас еді.
Бұл өмірде мүмкіндік берілмесе,
Батқаннан соң күн тағы шықпас еді.

Әкем ауырмасын

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Әкем ауырмасын

Жүз жерден біреу келіп бауырласын,
Әкешімсіз жауында, дауылдамын.
Мына әлем күйсе егер, күйіп кетсін,
Бірақ әкем ешқашан ауырмасын.

Ойлай берсем ой келер басыма мың,
Дертті болып қалыпты жасына сын.
Еңсесін тік көтерген асқарымның
Бұрын соңды көрмеппін жасығанын.

Жаңалықты білуге асықтым кеп,
Көңіл шіркін кетті ғой тасып үдеп.
Ертең барып аулаймын алтын балық,
Сосын айтам әкемді жазып бер деп.

Мен білемін барлығы басылады,
Қазанда ет бұрқылдап асылады.
Құрыш қайрат, ер жүрек менің әкем,
Ертең-ақ құлан-таза жазылады.

Алтын балыққа тілек

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Алтын балыққа тілек

Алтын балық дәметкен қармақтай
Бақытымды іздеп жүрмін бармақтай.
Адасамын, теңселемін сол жолда,
Жел ығымен жүре тұғын қаңбақтай.

Қол жетпейтін арман болған талайға,
Алтын балық аулап алам қалайда!
Үшеу емес, бір-ақ тілек айтамын,
Ал сен соны орындайсың жарайма?

Бұл балықтан мәнді ғұмыр сұрармын,
Мен өмірге, мен өмірге құмармын.
Мүмкін менің қабыл болып тілегім,
Шыныменен қуаныштан жылармын.

Орындалса, маңдайымнан көрермін,
Өмірімді асылдармен өрермін.
Тағдыр меннен аямаса тартуын,
Өз құнынан артығымен төлермін!

Жайық үні

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Жайық үні
Жайық жайлы жазайыншы бірер жыр,
Дерті оның асықынғандай үдеп тұр.
Қазағымның бәрі бірге алаңдап,
Арнасының толғандығын тілеп жүр.

Жоғалғанда жетіппіз бағасына,
Болашаққа күмәнмен ағасың ба?
Бүгіндері өзенім таязданды,
Кездер қайда бақ қонған жағасына.

Жалғап еді құрлықты, байтақ елді,
Қоқыстары барады жайпап жерді.
Тазалайық, қорғайық, жылатпайық,
Тілі болса "құтқар" деп айтар еді.

Бас қатырсаң мәселе айығады,
Қолға алуын күтіп тұр қайық әні.
Жұдырықтай жұмылып сақтап қалсақ,
Құлпырады, жайнайды- Жайық әлі.

Ел едік қой жетімін жылатпаған,
Дариясын, теңізін құрғатпаған.
Замананың бір зары не себепті
Жайығымның басында тұрақтаған?

"Сен жүрегімнің..."

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

"Сен жүрегімнің..."

Сен менің кеудемдегі тұмарымсың.
Жарық қылар жалғанды шырағымсың.
Өзгелергелерге ешқашан сәйкеспейтін,
Жүрегімнің жалғыз ғана сыңарысың.

Сен асаусың, найзағай күркірісін,
Кейде жайлы жаңбырдың тырсылысын.
Тамшыдайын кеудемде дамыл таппас,
Жүрегімнің қуатты дүрсілісін.

Сыр ғып сақтар аяулы тілегімсің.
Орындалды бұл тілек білемісің?
Ақылыма әмірін жүргізетін,
Жүрегімнің төріндегі жүрегімсің.

Бар бақытты сезіммен үйемісің?
Төлегендей, Қозыдай сүйемісің?
Жаныма да, жүзіме де шаттық сыйлар,
Жүрегімнің мәңгілік иесісің.

Көкек ананы кешіру

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Көкек ананы кешіру

Апа сені көрдім ғой бірінші рет,
Айыптысың сондықтан түрің сүмек.
Жылағанда жанымда болмап едің,
Қарсы алдыңда отырмын күлімсіреп.

Дәрменсіз боп санамда сақталасың,
Өмір қиын түсін деп ақталасың.
Өз балаңды қоқысқа тастағанда,
Өзге керек қылсың ба жат баласын?

Өткен күннің ескегін есіп алдың,
Бала кезді неліктен есіме алдың?
Сені келіп қалар деп бар уақытым,
Күзетумен өтті ғой есік алдын.

Бақыт деген дүниені ұмыттырған,
Жетімдік қой өмірді шын ұқтырған.
Бөлшектерін құрайсың кешірімнің,
Көңіл әйнек бұрыннан сынып тұрған.

Кешпей сені алысқа шаба алмаймын,
Қанатымды сындырсам қаға алмаймын.
Меннен өзге перзентті сүйесің ғой,
Сен жалғызсың басқа ана таба алмаймын.

"Үнсіздікті ұнату"

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

"Үнсіздікті ұнату"

Табиғаттан жан едім салқын қанды,
Ұнатамын үнсіз қап, тартынғанды.
Жүректегі сезімді тұншықтырып,
Алыстатып аламын жақын жанды..

Ашықтықты мен өзім жаратпаймын,
Жая берсем кетпейді тарап қайғым.
Тіл-ақылдың өлшемі емес пе еді?
Сондықтанда барлығын сараптаймын.

Жамандамай өзгені күндеместен,
Өз-өзіммен бақытты күндер кешкем.
Өсектесін өзгелер ғайбаттасын,
Жеңе салам оларды үндеместен.

Көп сөйлеген тілінен тұтылады,
Ойланбаса өмірден ұтылады.
Үндеместен үйдей бәле шыға қоймас,
Үндемеген бар бәледен құтылады!

Достарға

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Достарға

Мен жасысам, арқамнан демеп тұрар,
Дос дегенің періште жебеп тұрар.
Сен үшін сеннен қатты қуанады,
Кіп-кішкентай шаттыққа себеп болар.

Керек кезде жаныңнан табылатын,
Бас қоспасаң, көрмесең сағынатын.
Одан артық жанашыр бола қоймас,
Саған күліп, сен үшін жабығатын.

Кейде бәрі болмайды тосқанменен,
Шын достықты тек тағдыр қосқан екен
Ер жігітте үш жұрт бар арқа сүйер
Ал төртінші жақынын достар дер ем

Кеудемдегі секілді алтын тұмар
Адал досқа әрқашан жаным құмар
Дейді бәрі ағайыннан, көрші артық
Бірақ досын бәрінен жақын тұрар

Бір жақындық болмаса мұздар бәрі,
Доссыз жалғыз жүргеннің сыздар жаны.
Оған қарап сен жайлы айта алатын,
Айырламсын ақ адал -достар мәңгі

Қашықтағы ғашығым

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Қашықтағы ғашығым

Тұтқынына айналып сағыныштың,
Саған қарай келеді алып ұшқым.
Қол ұстасып отырсам құшағында,
Түсім екен мен тағы жаңылыстым.

Тек алыстан жүрекке енесің бе,
Күні-түні тұрасың сен есімде.
Көріспестен күндерде, айда өтті,
Ойлай сені ауырдым сенесің бе?

Уақыт жылжып барады бізде ақырын,
Сабырдан да күдерін үзді ақылым.
Қалағанда мауқымды басқым келед(і),
Арамызда қашықтық жүз шақырым.

Қанат болса ойланбай ұшар едім,
Тұлпар болсам мәреден тосар едім.
Жер жаһанды сен үшін шарлап шығып,
Бір демде-ақ өзінді құшар едім.

Бөлейді ғой бұл сезім шапағатқа,
Өте шығар дәл осы қатал шақта.
Шыдап жүрсек мәңгілік бір боламыз,
Қиындықсыз махаббат, махаббат па?

Көп күрсінбе

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Көп күрсінбе

Көп күрсінбе жарығым,неге "МЕН" деп?
Сұрағына жауап берем шегелеп кеп,
Барлық адам тұрады сәтсіздіктен,
Керек емес ренжіп өкпелеп тек.

Мұңсыз пенде бар мекен мұңсыз пенде?
Мұң дегенің жай ғана қара перде.
Қараңғыға бойұсынып көне берсең,
Аңғармайда қаласың күнді кейде.

Жалғыз мен деп ойлайсың жабығатын,
Жабығатын бар есік жабылатын.
Болды, бітті деп шешіп күніреніп,
Қатты қаяу саласын жанына тым.

Қолыңнан түк келмей қамығасың,
Қамығасың қара ойды жамыласың.
Қара ойын билегенде тұла бойды,
Ең бақытты күніңді сағынасың...

Ғашықпын

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Ғашықпын

Шүкір Алла өзіне жолықтырған,
Нәр бердің ғой сезімге солып тұрған.
Махаббатсыз дүние бос деген сөзді,
Жарқыным-ау өзінсің шын ұқтырған.

Толқын тулап айналып ғашықтыққа,
Махаббаттың теңізін тасыттық па?
Бір бағытта тұрған соң желкеніміз,
Кедергісін тигізбес қашықтықта.

Кілтін тауып, жүректің құлпын ашып,
Күннен күнге барамыз бауыр басып.
Сендегі жалын шарпып жан дүниеме,
Өшпес сезім отымен болдым ғашық.

Махаббаттың айласын жан біліп пе?
Есім кетіп айналдым әңгүдікке.
Серт беріп көңіліме енгеннен соң,
Мекендейсіз ендігі мәңгілікке!

Жалқаулық

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Жалқаулық

Не істеп жүрмін, неғылған адам едім?
Өз-өзімді аяймын жаман жерім.
Қолды сілтеп жатамын айға қарап,
Бір талайға жетседе шамам менің.

Жалқаулығым тұрғанмен жолды бөгеп,
Қимылдауға табылмас онды себеп.
Ертең, ертең дейімінде құтыламын,
Ертең маған келердей соңғы көмек.

Уақыт шіркін бірдей боп өтетіндей,
Есінеймін ғажайып күтетіндей.
Күнтізбеден бос күнді қарап қоям,
Барлық шаруа сол күні бітетіндей.

Мың ойланып жатқанда баспай қадам,
Секілденед(і) жұмыстар аздай маған.
Көресіңдер бір күні ерінбесем,
Бұл әлемді өзгертіп тастай салам!

Өлең деген бір жігіт

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Өлең деген бір жігіт

Өлең деген бір жігіт ғашық қылған,
Ғашық қылған өзіне асық қылған.
Тыныштықта тілдессем ой бөліссем,
Шабытымда әбсәтте тасып тұнған.

Батылданып кетемін ол барында,
Гүлденіп құлпыратын жолдарымда.
Ойыма жүрегіме ұя салған ,
Оның берген сыйы тұр қолдарымда.

Оның жаны шынымен тұнық мекен,
Менің бағым осы деп үміттенем.
Оған қатты сенгенім соншалықты,
Қарамаймын ешқашан күдікпенен.

Үнсіз махаббат

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Үнсіз махаббат

Бұл әлем махаббатқа айналғандай,
Көңілім әлдекімге байланғандай.
Оны ойласам жүрегім қатты соғып,
Өз-өзімнен кетемін жай таба алмай.

Жанбай жатып, күйдірер шоқты аламын.
Тәңір сыйы болар деп тоқталамын.
Оны көрсем жүрек сөйлеп,тіл байланып,
Өз-өзімнен соқыр-мылқау боп қаламын.

Дамыл таппай ұрланамын келбетіңе,
Мен сезімнің айналыппын ермегіне.
Ол есіме түскен кезде ессіз жандай,
Махаббаттың мас боламын шербетіне.

Басқа сезім емес бұл ғайып болар,
Аққуымды сезбесем айып болар.
Мен жауынгер оқ тиген жүрегіңе,
Дәрігерін күтетін айықтырар...

Біздің сезім

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Біздің сезім

Сенде мені түсінбей,
Менде сені түсінбей,
Күліп-ойнап қуанып
Күн өте ме күрсінбей?!

Сенде маған қырсығып,
Менде саған қырсығып,
Бара жатыр арада
Сезім сорлы тұншығып.

Сенде мені кінәлап,
Менде сені кінәлап,
Ескі құсқы жараны
Жүрек барад жұлмалап.

Сенде мені сүйесің,
Менде сені сүйемін,
Бұл сезімге не дейін
Сүйгені үшін күйетін.

Сен тұрасың тосылмай,
Мен тұрамын тосылмай,
Өлсе дағы қырсығар
Біздің сезім осындай!

Хайп қуғандарға

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Хайп қуғандарға

Интернетпен талай жүр бағын ашып,
Көрсем болды аяймын жаным ашып.
Ұлтты бұзып барады ұялмастан,
Хайп үшін шешініп тәнің ашып.

Жүйкесіне тиетін қанша адамның,
Қаптап кетті жалған батыр, жалған ақын.
Не мақсаты екен деп ойланамын,
Бір өнеге таппаймын тамсанатын.

Қуанады өзгеге мазақ болса,
Қайғырады қаралым аз-ақ болса.
Түсінсеңдер жасамас едіңдер-ау,
Тренд соңы апарар тозақ болса.

Қате қадам өзіне еш байқалмайды,
Ерсі болса халықтан жай қалмайды.
Ата-анаң балам деуге аузы бармай,
Ал перзентің "әкем" деп айта алмайды.

Бейшара боп бәрі де қор болады,
Қоғам үшін сайқымазақ сор болады.
Бүгініңе бұл ісі бақыт шығар,
Ертеңіне бірақта ор болады.

Енді мені ойлама қайтарам деп

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Енді мені ойлама қайтарам деп

Бұзылғандай сертіннің тас қамалы,
Жанарыңнан еріксіз жас тамады.
Өзге жанға сыйлап ен жүрегінді,
Менде енді сыйлаймын басқа адамды!

Ұнатқанда өзгені пайда болдың,
Іздегенде өзінді қайда болдың?
Тәтті өтірік айтқанмен жарығым-ау,
Құрығына түспеспін айлақордың.

Енді мені ойлама қайтарам деп,
Оралмасым сол күні байқалып ед(і).
Тағдыр солай тағдыр деп ақталасың,
Кінәлілер осылай айтады тек.

Ей жүрегім

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Ей жүрегім

Ей жүрегім, тұрмысың сезіп мұны.
Тағдыр мені кімдерге кезіктірді?
Бағаламай отырғанда бақытымды,
Бақытсыздар жөн сілтеп кезіп тұрды.

Бақытсызбын демеймін, демеспінде,
Өмірім қиналатын емес мүлде.
Көлеңкелі тұстары болды бірақ,
Ізін тастап кететін келмес күнге.

Ей жүрегім!
Мен сені мәңгілікке өзгертемін,
Естимісің, мен саған сөз беремін.
Мына сеннен жасап алып жаңа жүрек,
Бар шаттыққа толтыру көздегенім...

Көздерімнен көрінгенде

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Көздерімнен көрінгенде

Көздерімнен көрінгенде сәуле нұр,
Үнілуін, сыр іздеуін әуре құр.
Жанарымның жасықтығы жасырып,
Қалдырады шарасыздық қалде бір.

Қос жанарым тұрған кезде күлімдеп,
Қуанасың ай сәулесін көрдім деп.
Айдың бетін қара бұлттар қаптаса,
Қабағымнан кетер күнің күркіреп.

Жаңбырлары жауар сосын тыңбастан,
Сағыныштан жарылғандай мұңды аспан.
Моншақтары сырғып ағып жүзіме,
Осылайша бұлт кеткенше сырласқан.

Көздерімді алған кезде тарс жұмып,
Іздейсің бе? Шарлайсың ба шарқ ұрып.
Тапсаң егер сан жұлдыздың ішінен,
Жарқырайын жасамайын қарсылық.

Мендік сезім

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Мендік сезім

Мендік сезім сенікінен бөлек шығар,
Бірақ оны өшіру керек шығар.
Өзге жанға қарамай жүргеніме,
Сені қатты сүйгенім себеп шығар.

Сені тастап алысқа жырақтадым,
Жүректе көп жауапсыз сұрақтарым.
Ессіз болып кетем деп қорықтым ғой,
Себебі мен ессіздікпен ұнатқанмын.

Бізді қатты сынайды төзім неге?
Көп қателік кеттіғой өзімнен де.
Сені жаным қимаймаймын өзге түгіл,
Өзіме де...

"Сынағыштарға"

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

"Сынағыштарға"

Мейлі мұң кеп тоқтамай тамшыласын,
Еңсемді езіп бәрі де жаншыласын.
Мен ешқашан бетімнен қайтпаймын ғой,
Алғанымша өмірдің қанжығасын.

Әсер етпес жасытар сөздерінде,
Мен қашанда өзгені көзге ілдім бе?
Кісі болып өзінше көкисіңдер,
Үлгілі жан емессіңдер өздерінде.

Бағым басым болған соң бармағымда,
Жамандаудан өзге іс қалмады ма?
Арттан сөйлеп жүрсеңдер түсінемін.
Мен өйткені тұрмын ғой алдарында!

Ақыл-ойың осыдан аспады ма?
Күйе жұқпас арыма, жақсы атыма.
Уақыт құртып, мені ойлап тоқтамаңдар,
Ал мен болсам жете берем мақсатыма!

Өзгешемін

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Өзгешемін

Өзгешемін шынымен басқалардан,
Себебі өз-өзімді басқара алам.
Мың ойланып, сан толғанып жүргеннен соң,
Баспай әлі келемін басқа қадам .

Көңілімнен ешқашан жасқанбағам,
Жасқанбаймын несіне жасқана алам.
Шыдам, төзім, сенімді жиып тұрып,
Сабырыммен бұзылмас тас қалағам.

Аяғында әкемнің

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Аяғында әкемнің

Тұрып ап, аяғына әкемнің,
Таныстым тылсымымен әлемнің.
Бір суретпен еске түсіп кеттіғой,
Еркелігім,балалығым, әлегім.

Еркеледім,
Есірдім,
Өкпеледім.
Қырсықтығым әлі де көппе менің.
Түсінбей,тұмсырайып тұрсамдағы,
Ешқашан ренжіп жоқ демедін.

Рахмет айтамын әке сізге ,
Аспандағы күн болдын мына бізге.
Жыраққа өзіннен алыстасам,
Қараңғылық басатын құла түзге.

Қаламаймын

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Қаламаймын

Уақытым ғой жалындар жастай жанып,
Қайдағыны отырмын босқа ойланып.
Махаббаттан қашқақтап жүретіндей,
Нәзік жаным кеткен бе тасқа айналып?

Ешбір жанды бағыма баламаймын.
Ұнатпаймын біріне қарамаймын.
Ой көкірек, өзінше деп ойласаңыз,
Олай емес жәй ғана қаламаймын!

Қаламаймын күн санап сарылуды,
Қаламаймын іздеуді,сағынуды.
Жүректің толқынына қарсы жүзіп,
Кешкім келмейд(і) сезімді жабығулы.

Ешкімді де тұрғам жоқ жасытқым кеп,
Шабыт құрғыр кеткендей тасып үдеп.
Мен отқанда ойыммен арпалысып,
Төлегенім жүрген шығар ғашықпын деп.

Мықты болсаң

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Мықты болсаң

Мықты болсаң қолдайды жанашырдай,
Құлап кетсең жоғалар, жаны ашымай.
Екі жүзді адамның бұл өмірде,
Бетпердемен кетеді бағы ашылмай!

Іштарлықпен мына әлем гүлдемейді.
Алда болсаң кімдер кеп күндемейді?
Күшін тайса, қуанып қол соққандар,
Күшті болсаң көре алмай үндемейді.

Білемісің жақпайсың дүйім елге,
Қатар болар қуаныш, күйігіде.
Басқалар не десе о дей берсін,
Бәрібір сен қаласың биігінде!

Анама

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Анама

Жаратқаннан, Кейін бізді жаратқан.
Құндылықты бойымызға таратқан.
Сіздей адам таппаспын мен іздесем,
Өмірімнің кірпіштерін қалатқан.

Мен ауырсам, сен қиналдың қаттырақ,
Бәйек болдың, жазылғанша шапқылап.
Не десемде- еркелетіп,елпектеп,
Әкелушен отбасыға бақ- тұрақ.

Езу тартсам, екі есе жымидың,
Арамызда қалмапты ғой сыр дейтін.
мейірлене қарағанда көзіме,
Суып кеткен көңілімде жылитын.

Ал жыласам ,өртенетін өзегін,
Сөз айтпадың өменімен өтетін.
Сабырлықты мен өзіннен үйренгем,
Дауыл болса мынқ етпестен төзетін.

Күзде қалған

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Күзде қалған

Сен сүйесің, білемін, менде сені,
Бірақ саған білдіргім келмеп еді.
Уақыттың әміріне көнгеннен соң,
Ақылым жүрегімді жерлеп еді.

Жеңілдік жасамады бізге арман,
Ұнатып ем маған шын, сізге жалған.
Үзілген жапырақтай махаббатым,
Сарғаюмен- сол сары күзде қалған.

Көз жеткізіп сезімнің күтпесіне,
Жүрек жалғыз сыңарын күштесің бе?
Сабырдың үтіріннен шаршадым да,
Жылап тұрып жүгіндім нүктесіне .

Бейнесін елестетіп өткен жанның,
Өкіндім бұйрығына өктем ардың.
Күз, күз деп енді қайтып іздемеймін,
Білемін, әлі талай көктем барын.

Ауылға оралу

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Ауылға оралу

Үстінде ауырдың,
Жүрсемде ауырдым.
Сағынып келемін,
Ауасын ауылдың.

Астында жеңілдің,
Қалсамда жеңілдім.
Жылуын күтемін,
Туылған жерімнің.

Уақыт

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Уақыт

Уақыт ай, уақыт зырлайсың,
Бір орында тұрмайсың.
Тоқта қане, аптықпа,
Енді сені қумаймын!

Уақыт ай, уақыт зырлайсың,
Не нәрсені жырлайсың?
Жаңа сәтке асықсам,
Естелікті ұрлайсың!

Уақыт ай, уақыт зырлайсың,
Өткен шақпен шырмайсың.
Осы шаққа жеткенмен,
Заманыңды тындайсың.

Уақыт ай, уақыт зырлайсын,
Сабақ беріп тыңбайсың.
Құлатып ап содан соң,
Көтересің, шындайсың.

Күз қызымын

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Күз қызымын

Өмір неге салады өктем көзін?
Мәңгі қатар жүреді от пен төзім.
Күздің қызы деді де көрінбейді,
Неге маған қимайды көктем өзін.

Ертең-ақ күн шығады, күн шығады,
Деп кеудемде жасқыншақ үн шығады.
Сол күнді үздіксіз күтуменен,
Қиялым өз - өзімен тұншығады.

Қара бұлтта бар мұңды төндіреді,
От жаңарды жаңбырмен сөндіреді.
Бара-бара барамын бейімделіп,
Күздің өзі көктем боп көрінеді.

Бақытты емес бар адам жүзі күлген,
Шынайы күз ұнайды сызыменен.
Қабылдайын, түсініп, түйсінейін,
Қайта күздің еп-ерке қызымын мен.

Смартфондағы сезім

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Смартфондағы сезім

Смарфоннан көріп әсем бейненді,
Асау жүрек әлденеше күйге енді.
Бұрындары түсінбеушем қызық деп,
Телефоның аржағыннан сүйгенді.

Кете бардым суретінді көрдім де,
Әлде мынау тағдырыма көндім бе?
Лайк басып, жазылыпсың кеше сен,
Назарынды енді маған бөлдің бе?

Бір емес сен бірнеше рет жазасын.
Алма өйтіп телефонның мазасын!
Менде саған жауап жазбай сынайын,
Тат дегендей ғашықтықтың жазасын.

Ұға алсаң әрбір айтқан сөзімнен ,
Достаспаймын, қосылмаймын өзінмен.
Махаббат ол болмайд екен бәрібір,
Көрмеген соң сүйгеніңді көзінмен..

Арманым

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Арманым

Жастық шақта кетпесін деп уақыт құр
Меніменен достасыпты шабыт, жыр.
Шын досына, жан досына айналсам,
Бұл мен үшін бағалайтын бақыт бір.

Тамшылы ұйқас тас төбемнен ағып тұр,
Қара өлең есігімді қағып тұр.
Тамшысымен ашу үшін есікті,
Ақ қағазым қаламымды бағып тұр.

Ұлы өнердің біліп ауыр салмағын,
Әдейі мен қаймықпастан таңдадым.
Ең бақытты адам болар едім мен,
Өлеңменен өте бес күн жалғаным.

Міне осы Арманым!

Әке

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Әке

Әке сенің бөлек қой дара тұлғаң,
Мен өзіндей алыптан жаратылғам.
Тәртібін мен тәрбиене қанық болып,
Қуат алып келемін қанатыңнан.

Көздерінен күн нұры көрінетін,
Әр бір сөзін өрнек боп өрілетін.
Қатты болып түйілген қабағыннан,
Өте нәзік мейірім төгілетін.

Жол сілтейсің үнемі шамдай жанып,
Ақылыңа жүремін таңдай қағып.
Бар құндылық жиылған өн бойына,
Дәл өзіндей әкем бар қандай бақыт!

Бірақ ғана

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Бірақ ғана

Көңілсіз қарсы алумен таң шапағын,
Өзінсіз өткізіп ем қаншама күн.
Сағынғаным соншалық жарығым-ау,
Есіміңді атаудан шаршамадым.

Көз алдымда тәп-тәтті қылықтарың,
Жүрегімді өзіңмен жылытқанмын.
Өзімді ұмытып кетсем де мен,
Сені бірақ ешқашан ұмытпадым.

Айдың нұры көрінер келбетіңнен,
Сендей сұлу таппаспын жер бетінен.
Қолыңды маған қарай созсаң болды,
Махаббатты сыйлаймын тербетілген.

Өмір солай көнесің сынақтарға,
Меннен алыс ұзама, жырақтама.
Жарығым-ау жалғыз сұрайтыным,
Бір мүмкіндік бере ғой бір-ақ қана.

"Қызқұмар жігіттерге"

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

"Қызқұмар жігіттерге"

Қызығасың көп қызды жағалайсың,
Көрінгенді бағым деп бағалайсың.
Жұлдыздарға арбалып жүре берсең,
Жалғыз айды ешқашан таба алмайсың.

Жағымсыз боп кетесің, ұнап тұрып,
Сөз айтасың неліктен жылап тұрып.
Барлығына жүрегің жеткенімен,
Осы саған жетпейді-ау тұрақтылық.

Мүмкін сенің келеді бағыңды ашқын.
Білемін бұл өмірде жаңылмас кім?
Қыздардың көз жасына қала берме,
Ақыл кірсе өкінерсің қазір жассың.

Махаббатты сыйлаймын деп қалықтаған
Сүйем, күйем дейсің ғой жанып барам.
Дәл осындай жігіттерді көріп жүріп,
Махаббатқа сенуден қалып барам.

Тағдырға серт

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Тағдырға серт

Қыз едім көп нәрседен қорықпайтын,
Жағымсыз жамандыққа жолықпайтын.
Тағдыр маған қабағын түйіп алып,
Неге өгей санап жүр соны ұқпаймын!

Себептерсіз сынақтарға кезіктім,
Көз жасыммен бар мұңымды сезіппін.
Сәттілікке билет іздеп жүргенде,
Бақытымның пойызынан кешіктім!

Бір күні менің бағым жанып кетер,
Бар мұңымды біреу кеп алып кетер.
Жарқырап әлі талай таң атады,
Өкінішпен өтпесінші уақыт бекер!

Бұл тағдырды өзіме табындырам,
Арманыма жетемін сағындырған.
Алла өзі оң көзін салып тұрса,
Әлі талай белесті бағындырам!

Кешірші күнім

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Кешірші күнім

Жүрегіме жүрегің берсінші тыным,
"Иә" деу үшін қурады нешенші гүлің?
Әлемнің махаббатын жиып алсанда,
Сүйем дей алмаймын кешірші күнім.

Сен емес ед білесің іздегенім,
Үміт сыйлап ешқашан біз демедім.
Соңғы рет айтайын өз аузымнан,
Ұмыт мені, ойлама, іздемегін!

Дым шықпайды барыңды үйгеніңмен,
Жазыласың білемін күйгеніңмен.
Сені сүйген арумен бақытты бол!
Ал мен бірге боламын сүйгеніммен...

Өмір кезеңдері

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Өмір кезеңдері

Алла саған өмірді бергеннен соң,
Адам болып дүниеге келгеннен соң.
Уақытың жүгірумен кетед(і) екен,
Мына күйбен тірлікке енгеннен соң.

Төбелесіп, ойнайсың бала болып,
Аяқ-қолың кетеді жара болып.
Көзді ашып-жұмғанша бұлда өтер,
Ер жетесің басыңа сана толып.

Қылықтарың қалады бала күнгі,
Күні-түні оқисың сабағыңды.
Қиындықта-қуаныш бірге жүріп,
Елемейсің, шытпайсың қабағыңды.

Содан кейін жүресің жұмыс іздеп,
Еңбек етіп, тырмысып, тұрмыс түзеп.
Күн артынан күн өтіп, уақыт зырлап,
Махаббатты жырлайсың жігіт-қыз деп.

Жылдардан соң бақытым балам дейсің,
Балам үшін барлығын табам дейсің.
Кәсіптеде тірлігің өрге басып,
Әлі талай бәйгеде шабам дейсің.

Хабарламай әпсәтте қарттық келер,
Ойланасың кетті ме уақыт бекер?
Жақсы естелік қалдырса өткен кезең,
Өміріңді сол ғана бақытты етер!

Карантин

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Карантин

Мына вирус талайдың жанын жұтты кеп,
Індетін келді, бәріде бітті, бітті деп.
Дүрлігеміз ау, қорқамыз-ау қорқамыз,
Ана қаладан мына қаладан шықты деп.

Таң атқаннан, кешке дейін үйдесін,
Сезіп тұрмын қазір қандай күйдесін.
Тимеседе халыққа титтей пайдаңыз,
Біреуге бірақ зиянымыз тимесін!

Қауіпсіздікті сақтайық қане бәріміз,
Сенемін мен жақсарады әлі хәліміз.
Таза болып, қорғанып жүрсек әрине,
Керекте болмай қалады мүмкін дәріңіз.

Түсінші әке!

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Түсінші әке!

Бір Аллаға әрқашан табынамын,
Орамалды сондықтан тағынамын.
"Қызым менің құлыным" дегеніңді,
Қатты-қатты әкешім сағынамын.

Бұл шешімім емес қой қате қадам,
Ренжіме, ұрыспа әке маған.
Алыстатсаң жүрегім ауырады,
Күйзелісте жүремін және жаман.

Дәл осыдан тапқандай жаным бақыт,
Ерте, кешпе өтеді сағым уақыт.
Өзгермеймін, боламын мақтанышың,
Орамалды тұмар ғып тағып алып.

Жүрек тыншып бір әуен салад(ы) екен,
Үлкен қызбын орнықты сана бекем.
Орамалмен оранып алғаныммен,
Ашық-жарқын қалпымда қала берем.

Күні-түні жей берер көмескі ой,
Ниет түзу ендігі демессің- "қой".
Бауыр етің баланды кешір енді,
Жаным әкем тасжүрек емессің ғой.

Қызғаныш

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Қызғаныш

Неге жаным бәрінен қызғанасың?
Ыстық сезім осылай мұздамасын.
Біреуі де тырнағына татымайды,
Кезіктірсем жігіттің жүз данасын.

Неге күнім бәрінен қызғанасын?
Маған осы ұнамас көзқарасын.
Қызғанышқа ем таппай дал боламын,
Сабырменен жазайын өз жарасын.

Неге асылым бәрінен қызғанасың?
Қызыл итің себепсіз қыстамасың.
Мендік жүрек ақ адал, ақ пейіл ғой,
Сол жүрекке себепсіз тұз саласың.

Неге айым бәрінен қызғанасың?
Енді мұндай әңгіме қозғамассың.
Қызғаныштың барлығын жойып тастап,
Пәк сезімнің құрайық біз жаңасын!

Сені ұқсатамын

Сәдуақасова Ғайникамал Ғалымжанқызы

Бағыты: Көркем әдебиет

Жазбаның тілі: Қазақ тілінде

Жазбаның электрондық нұсқасы:

Сені ұқсатамын

Керек емес сезім деп оттайтынмын,
Өз-өзімді жоғалттым, ұқпай тұрмын.
Мен сені миыма ұқсатамын,
Мәңгілік басымнан шықпай тұғын.

Теңіздерін емес-ау біздей терең,
Сезімімді өзіңнен үзбей келем.
Мен сені тамаққа ұқсатамын,
Қайта-қайта өзіңді іздей берем.

Қажет екен бір адам демеп тұрар,
Ғашық болсам тек сенсің себеп болар.
Мен сені ақшаға ұқсатамын,
Қай жердеде сол ғана керек болар.

Мінезің бар сырынды шертпей жүрер,
Салмақтысың, бәріне ептей күлер.
Мен сені ұйқыға ұқсатамын,
Үнемі жаныма жетпей жүрер.

Сенсіз мына әлемде тоңдым бөлек
Өзгелерден жалғызым болдың ерек,
Мен сені телефонға ұқсатамын
Сеніменен мәңгілік болғым келед(і)

Кері оралу

Сәдуақасова Ғайникамал Ғалымжанқызы

Қала: Қызылорда

Жасы: 22

Қолжазбалары: 47

Мен Сәдуақасова Ғайникамал Ғалымжанқызы Арал ауданының тумасымын. Әдебиетке, поэзияға қызығушылығым ерекше. Жас ақынмын. Біршама өлеңдерім аудандық баспасөзде және әртүрлі сайттарда жарияланып жүр, "сыр сандық" атты сыр ақындарының антологиясында да өлеңдерім бой көрсетті. Бірнеше байқауларға қатысқанмын. Өлең-ол менің сырлас құрбым.